The 1st attempt on the Blog.

पह्यलं नमन 
स्मरतो गजवदन
निर्विघ्नं कुरु में देव सर्व कार्येषु सर्वदा।

होय....
आज मी प्रथमच माझ्या ब्लॉगवर लिहायचा प्रयत्न करतोय, काही चुकलं तर तुम्ही मला समजून घ्याल ही अपेक्षा आहे.

तर वाचकमित्रांनो सप्रेम नमस्कार.
खूप दिवसांपासून आपण आपला स्वत:चा ब्लॉग तयार करून त्यावर आपले विचार लिहावेत असं वाटत होतं. पण ब्लॉग कसा तयार करायचा, त्यासाठी नेमकं काय आणि कसं करावं लागतं ह्याविषयी काहीच माहीत नव्हतं, म्हणजे पूर्ण अज्ञान होतं. पण स्वस्थ बसवत  नव्हतं. शोध घेत होतो की कोणी शिकवेल का मला ?
एकदोघांना विचारलं, त्यांना यात काहीच स्वारस्य नव्हतं. माझाही स्वभाव थोडासा भिडस्त.
मग विचार केला की नेटवर शोधलं तर सापडेल का ?
शोधू लागलो आणि आज 'टेकमराठी'वर प्रशांत क-हाडे नामक सद्गृहस्थाने यूट्यूबवर केलेली शिकवणी अनुसरत गेलो. धन्यवाद प्रशांत गुरूजी.
चला पहिला प्रयत्न तर केलाय, आता लिहायची गोडी वाढू लागली की बरेच विचार मांडता येतील. 
आणि कसंय, केल्याने होत आहे रे आधी केलेचि पाहिजे. चुकलंच तर वाचकमित्र सांभाळून घेतीलच की. घ्याल ना ? पण एक विनंती आहे, जरूर वाचा. आवडलं का ते सांगा, नाही आवडलं तरी सांगा. काही सूचना करावीशी वाटली तर जरूर करा.
भेटूच परत परत
धन्यवाद

पद्मनाभ हिंगे, 
पुणे
१३ मार्च २०१७